O presente documento de Política e Obxectivos de Calidade da Facultade de Ciencias Empresariais e Turismo de Ourense (FCETOU) está deseñado para un período de tres anos (2025-2027), constituíndo o resultado dun proceso de planificación estratéxica.
Este proceso é froito dunha máis que necesaria reflexión colectiva e integradora que involucrou activamente a todos os grupos de interese vinculados á Facultade: persoal docente e investigador (PDI), persoal técnico, de xestión e administración de servizos (PTXAS), estudantado, persoas egresadas e empregadoras, e representantes da contorna institucional e social, coñecedores da realidade complexa na que nos movemos (formación, investigación, transferencia, xestión, …) e que nos ha de permitir responder de forma efectiva aos desafíos actuais e futuros da contorna académica, empresarial e turística.