Cátedras

Cátedra Empresa Familiar

A Cátedra de Empresa Familiar da Universidade de Vigo, nace no ano 2005 entrando a formar parte da rede de cátedras do Instituto da Empresa Familiar. En 2019 a Cátedra renova o convenio coa Universidade de Vigo, a Asociación Galega da Empresa Familiar, e o Grupo Inditex. Este convenio recoñece o especial significado e relevancia estratéxica das empresas familiares, desde múltiples perspectivas, para a economía e a sociedade galega.

Os obxectivos da Cátedra resúmense na difusión, docencia e investigación da singularidade e retos das EMPRESAS FAMILIARES. Xustifican e motivan este obxectivo, a relevancia económica das empresas familiares, alicerce fundamental da economía, a súa vinculación e compromiso coa súa contorna xeográfica e social, así como as súas características peculiares, que en múltiples ocasións complican os procesos de sucesión e a súa continuidade. Ademais, a Cátedra de Empresa Familiar da Universidade de Vigo colabora activamente nas actividades e reunións da Asociación Galega de Empresa Familiar, asesorando e elaborando informes nas cuestións que aquela considera relevantes.

Visita a web da cátedra

 

Cátedra STL

As actividades a desenvolver centraranse nas seguintes liñas de actuación:

• A creación dun Programa de captación de talento, cuxa finalidade sexa a incorporación de estudantado da Universidade de Vigo cun bo expediente académico, con capacidade de innovación e que acredite un bo nivel de idioma inglés, a STL para realizar prácticas externas curriculares ou extracurriculares
• Promoverase a posta en marcha de actividades formativas que teñan por obxecto a capacitación, especialización e actualización de competencias de membros da comunidade universitaria e de profesionais
• Impulsarase un sistema de bolsas en prácticas por períodos máximos de 6 meses para o estudantado ou recén titulados da Universidade de Vigo, previa selección a través dun proceso regrado
• Organizaranse congresos, xornadas, conferencias, seminarios ou foros, nos ámbitos de estudos propios da cátedra
• Promoverase a publicación de estudos ou traballos científicos ou de divulgación, referidos aos ámbitos de estudos propios da cátedra

 

Cátedra Institucional de Finanzas Autonómicas

LA Cátedra Institucional de Finanzas Autonómicas da Universidade de Vigo nace no 2021 para a transferencia de coñecementos sobre o federalismo fiscal español e as finanzas públicas autonómicas aos responsables políticos.

Esta Cátedra realiza estudos e investigacións, organiza conferencias e seminarios e publica anualmente documentos sobre financiamento autonómico e descentralización co fin de mellorar o coñecemento do funcionamento financeiro do Estado e das Autonomías.

Páxina web da cátedra