Igualdade

Compromiso coa Igualdade

A igualdade constitúe un principio fundamental na construción dunha comunidade universitaria xusta, inclusiva e respectuosa. A Facultade de Ciencias Empresariais e Turismo de Ourense, como centro integrante da Universidade de Vigo, asume o compromiso de promover a igualdade efectiva entre mulleres e homes en todos os ámbitos da súa actividade.

Neste contexto, na facultade traballamos na creación dunha contorna académica baseada na igualdade de oportunidades, a non discriminación e o respecto á diversidade.

En particular, temos como liñas de actuación prioritarias:

• A integración da perspectiva de xénero na docencia e na investigación.
• A promoción de accións de sensibilización e formación en materia de igualdade dirixidas á comunidade universitaria.
• O fomento da participación equilibrada nas actividades académicas e institucionais do centro.
• A garantía dun ambiente seguro, respectuoso e libre de calquera forma de discriminación.

A Facultade de Ciencias Empresariais e Turismo de Ourense desenvolve estas actuacións en coherencia co Plan de igualdade de Universidade de Vigo e en coordinación coa Unidade de Igualdade da Universidade de Vigo.

Recursos e protocolos

• Protocolo de prevención do acoso sexual e por razón de sexo da Universidade de Vigo
• Protocolo de actuación para cambiar de nome e de xénero de uso común das persoas transexuais, transxénero e intersexuais na Universidade de Vigo
• Manual de linguaxe inclusivo
• Aplicación para linguaxe non sexista
• Guía para incorporar a perspectiva de xénero na docencia
• Guía para incorporar perspectiva de xénero na investigación

Actividades

• 25/03/2026 - Día da árbore: adicada a Wangari Muta Maathai.
• 09/03/2026 - Liderado con mirada de muller
• 20/02/2026 - 11F-Xornada: Mulleres que transforman a ciencia, a industria e a empresa 
• 21/10/2025 - Xornada: Galicia Calidade. Unha marca en feminino
• 26/09/2025 - Voces de Cambio