A área de Emprego e Emprendemento é unha unidade de xestión que ten como obxectivo fundamental impulsar, en colaboración con empresas, administracións e outras institucións, a empregabilidade do alumnado e das persoas tituladas da Universidade de Vigo.
Axencia de colocación-JobTeaser
JobTeaser é a plataforma que usa a UVigo para xestionar as ofertas de emprego da Axencia de Colocación da Universidade de Vigo. Esta plataforma inclúe contido reservado para os membros da comunidade universitaria, tanto para o estudantado como para os membros Alumni-UVigo.
A través da plataforma poderás:
- Coñecer ofertas de emprego, nacionais e internacionais, moitas delas exclusivas para a nosa universidade, así como bolsas de formación práctica, relacionadas co teu perfil profesional e os teus criterios de procura.
- Descubrir as entidades colaboradoras da Universidade de Vigo e acceder a vídeos de presentacións de empresas e de profesións seleccionadas por sector de actividade.
- Acceder a consellos e recursos para a procura de emprego e á axenda de eventos da área de Emprego e Emprendemento da Universidade de Vigo.
- Recibir unha newsletter semanal con información de noticias e eventos que poden axudarche a mellorar a túa empregabilidade e facilitar o teu acceso ao mercado laboral.
Inscríbete en JobTeaser!
Formación para o emprego
Nos procesos de selección a adecuación das candidaturas aos perfís profesionais demandados polo mercado laboral é importante pero tamén contar con habilidades para a procura de emprego é determinante. A unidade de Emprego e Emprendemento axudarache mediante a organización de accións formativas (cursos, xornadas etc.) para promover a túa aprendizaxe e o desenvolvemento das túas habilidades.
Orientación laboral
Para optimizar tempos, recursos e esforzos é preciso contar co asesoramento adecuado. A Área de Emprego e Emprendemento conta cun servizo de orientación laboral que te axudará a analizar o mercado laboral, definir o teu perfil profesional e trazar un itinerario de procura de emprego.
Anímate a solicitar unha entrevista individualizada á Área de Emprego e Emprendemento.
Máis información Solicita entrevista
Feiras de emprego
EmpleoinCampus
Esta feira que se celebra nos tres Campus da UVigo ofréceche a oportunidade de coñecer de primeira man a demanda de persoal de entidades de moi diversos sectores, así como de contactar directamente coas persoas responsables de procesos de selección.
Ao rexistrarche poderás entregar o teu currículo ás empresas a través dun código QR. Ademais de visitar as mesas informativas, terás a oportunidade de participar en actividades de gran valor engadido antes e durante a feira.
Ofertas de emprego UVigo
No seguinte link da web da UVigo podes atopar ofertas de emprego que van chegando desde diversas entidades á universidade.