Francisco Xabier Sánchez Sellero

Breve CV

Imparte a súa docencia dentro do Departamento de Organización de Empresas e Mercadotecnia desde fai 19 anos. Traballou no campus de Vigo nas facultades de Ciencias Empresariais, Ciencias Xurídicas e do Traballo, Ciencias do Mar e Enxeñeiros de Telecomunicación, impartindo as materias de Fundamentos da Administración da Empresa, Dirección de Recursos Humanos, Xestión de Empresas Acuícolas e Dirección de Empresas. Actualmente imparte a súa docencia no campus de Ourense, en diversas materias de xestión turística e empresarial. A súa investigación fundamentase en análises específicas de localización de empresas dos sectores textil, cerámico e acuícola. Realizou investigacións puntuais sobre a relevancia do transporte de ferrocarril. Actualmente analiza a importancia e influencias de factores locacionais no sector do turismo e a acuicultura. Ten publicados 25 artigos científicos, participou con 21 ponencias en diversos congresos tanto de ámbito nacional como internacional, participou como investigador en 8 proxectos de investigación. Previamente traballou en Caixa Galicia, e na Universidade da Coruña.