Logotipo Universidade de Vigo

Select your language

12/11/2026

Baixo o nome de Encontro con Empresas, a Facultade de Ciencias Empresariais e Turismo do campus de Ourense celebrará o vindeiro xoves 19 de novembro unha feira que terá como obxectivo abrir oportunidades laborais ao seu alumnado. Nela, ademais dos habituais postos informativos neste tipo de iniciativas, haberá unha zona de entrevistas na que varias empresas con presencia no mercado estatal e internacional buscarán captar talento.

“Os Encontros con Empresas son unha iniciativa que traerá a empresas directamente á nosa facultade. Fronte ás feiras masivas onde os estudantes entregan o seu currículo e agardan a ver se os chaman, aquí o formato é distinto”, comentan desde a organización. Nesta actividade, detallan, o alumnado inscríbese, a empresa revisa o seu perfil entre todas as candidaturas e, se encaixa, na feira convídano a un almorzo de 50 minutos. Eses 50 minutos, sinalan, permiten “unha conversación real, sen colas nin présas” entre o alumnado e a empresa e supón para o estudante “unha oportunidade fantástica para que a empresa que lle interesa o coñeza de verdade, antes mesmo dunha entrevista laboral oficial”. Deste xeito, o alumnado interesado en participar ten que na web do evento inscribirse e compartir o seu curriculum coas entidades do seu interese.

Ler a nova completa no DUVI