Logotipo Universidade de Vigo

Select your language

18/11/2026

Deste este luns e ata o xoves, 30 estudantes da Facultade de Ciencias Empresariais e Turismo do campus de Ourense están en Bruxelas coñecendo de primeira man as institucións europeas. Trátase dunha viaxe formativa que lles permite vivir “unha experiencia internacional” e sobre todo “coñecer o funcionamento das institucións da UE, comprender mellor os seus procesos de toma de decisións e achegarse a unha realidade internacional clave para o seu futuro académico e profesional”.

A viaxe está cofinanciada polo Parlamento Europeo, esgotándose as 30 prazas dispoñibles para o alumnado ourensán, que procede dos diferentes graos e cursos que se imparten na facultade organizadora. Esta visita “ao corazón de Europa”, sinala Jesús Vázquez, decano da Facultade de Ciencias Empresariais e Turismo do campus, que acompaña ao alumnado nesta actividade, permite ao estudantado afondar “no coñecemento da construción europea e do seu impacto na cidadanía”, sendo “unha oportunidade única para aprender, compartir experiencias e conectar con Europa desde unha perspectiva académica, profesional e persoal”.

Ler a nova completa no DUVI