26 de setembro de 2025
Aula 2.1 da FCETOU
A FCETOU participará no programa “Voces de Cambio”, que trata, por un lado, de sensibilizar e capacitar ao estudantado da Universidade de Vigo para identificar e comprender as violencias machistas no contexto universitario, con especial atención ao acoso sexual e ao acoso por razón de sexo, e por outra parte, dotar ás persoas participantes de ferramentas prácticas para actuar como axentes de cambio, promovendo actuacións preventivas, de apoio e derivación axeitada en situacións de violencia machista, tanto presenciais como en contornas dixitais.
O alumnado que participe no obradoiro converterase en axente clave para apoiar outras compañeiras e compañeiros na detección de situación de acoso sexual e por razón de sexo, así como na loita contra estas violencias a través das canles establecidas no protocolo da UVigo.
